تعطیلات سال نو و لاس وگاس

تعطیلات سال نوکه از این روزا شرو بونه همزمان با تعطیلات وسط ترم هم هسسه. از همه مهمتر روز کریسمس هسسه که یک روز مذهبیه والان یک نشون تفریهی وویشتر خانوادگیه که 25 دسامبرهسسه. روز تحویل سال هم 31ام . روز کریسمس مسسه روز اوول عید اما هسسه و همه خارجیها وقتشون ره با خونواده سر کننه و عیدی دننه وعیدی گیرننه. اینجور موقع ها هسسه که ادم ویشتر احساس غریبی کننه. در عوض این چن روز ایرانیا اکثرا شوننه لاس وگاس . همه ساله برای سه چار روز اکثر خواننده ها کنسرت دارننه توی هتل و کازینوهای بزرگ لاس وگاس . سوای همه لوس بازیها و بی نظیهایی که اما ایرانیای عادت هسسه این چند روز خیلی با حال هسسه و کللی خوش گذرنه. خیابونای لاس وگاس پراز ایرانیایی هسسه که از همه جای آمریکا اننه لاس وگاس وآدم یاد خیابونای شلوغ تهران کفنه. شمه جا خالی من دسسه کش بوردمه ولی امسال احتمالا نشومه وبهتره که منطقی بوشم. فعلا دوربین هیتمه و پس انداز برای تفریح ته بکشیه ها ها ها هلا هاششم این چن روزی چتی توممه شه سر ره گرم هکنم.

دوربین

خلاصه بد سه چار سال شه خده گول بززوان و که هی ماه دیگه ... سال دیگه دوربین خریممه... شسسه اتتا دوربین دیجیبالی هیتمه. اینم عکسش

خوامه که ویشتر عکس از شه مله ومدرسه بیرم و اینجه بلم.

دیگه اینه که خله چیزای وسسه خوامه بنویسم ولی انگار که یاسین به گوشه خر بخوننی. موقع بنویشتن که بونه مره عزا گینه. اگه شما درباره یه چیزی خواننی که بنویسم مره خور هدین.

زندگی در امریکا-2

پرا روز هالووین هسسه. هر ساله 31 اکتبر امریکا ئیا شه سره خنه ره چیزای ترسناک هرئید کننه و واشون لککا و سر پیش متسسک های مختاف اویزون هسسه. دانشگاه دله هم کیجاون و ریکاون با لباسهای عجیب و غریب که تو زبون انگلیسی گننه پارتی و چک سما کننه( Custome).

هالووین به کیی یا به فارسی کدو هم ربط داینه که هلا ندوممه چسسه .چن تا عکس شمسسه اینجه المه که تما شا هکنین.

زندگی در امریکا-1

زندگی در امریکا از دید اتتا بندپی ر که از اول خواسسمه شرو هکنم به بنویشتن مه قصد این بیه که درباره مه تجربیات از امریکا بوشه 24ام اردیبهشت سال 1380 برابر با 14 می 2001 بیه که بد از8 ساعت پرواز از هلند هواپیما لس انجلس فرودگاه دله هنیشته. پیاده که بیمه اتتا کمه ولو ویاز بکشیمه تا مه خسگی در بوره . هم هیجان زده بیمه و هم این که اتتا کمه ترس از اینکه تا چند لحظه دیگه خوامه بورم توی یه دنیای کاملا تازه و غریب

به همراه مسافرای هواپیما راه دکتمی و بوردمی طرف دکه های اداره مهاجرت و انایی که سیتیزن ویا گرین کاردی بیننه سوا و بقیه که یا ویزا دانشجویی یا توریستی بیننه سوا

طبق قانونه اون موقع ازمسافرای 8 تا کشور انگشت نگاری کردننه که مه جا هم انگشت نگاری هکردننه.

تا از فرودگاه بییم بیرون 3 ساعت طول بکشیه و تا مه یاد نشیه بووم که اتتا کارمند ایرانی هم توی فرودگاه کار کرده

فراموشی

الان شب یکشنبه هسسه اتتا کمه کرگ داشتمه با گوجه و سیبزمینی خرش درس هکردمه. شمه جا خالی پلا ابکش بززومه و بیاد سره شام درس هکردمه. امروز از این روزائی بیه که ادمه دل ونه سره و پرومارسسه تنگ بونه. هر چی بوشه غربت درمی و با اینکه من شه دوممه که هر تصمیمی که در زندگی گیرمی یک چیزایی ر از دست دمی و یک چیزایی ربدست ایارمی با اینحال دل ر که این چیزا حالی نونه. توی این حال و هوا دیمه که مه اتتا دوست قدیمی که الان تگزاس دره تلفن بززو . مه این رفق مریضی سرتان داینه و الان دره دکتری خوننه. اتتا کمه با هم از همه چی گپ بززومی و اخرش درباره این که هفته قبل مریض بیه و وره بوردننه اورژانس و اینکه .... شه خده بوتمه که بور خدا ر شکرهکن . شه مشکل ره فراموش هکردمه

Tika

شب احیا

اون موقع که کچیک بیمه یکی از بهترین شبا شب احیا بیه که امه سره همه اهالیه مله افطار وسحرد وت بیننه. یادش بخیر

Salam

Chand vagt bieh ke nanvishtemeh. Atta kame gereftar bimeh. Behone digeh ham in bieh ke feilan farsi nevis ason ( farsi negar naymeh alan)ro internet pida naoneh. Kholase inke khale mazerat khame ageh ke sar bazzonni me neveshteha re va chizi jadid nadinni. Say kemme ke barname farsi nevis nasb hakenem va vishte mahalli re ba fonte farsi banvisem. Sheme halo ahval khare khar boshe va sheme namozo rozeh ham gabol. Sheme keif kok va az hame mohemter inke sheme del shad boshe.
Chand ta aks inje elme ke temesha hakenin: Akse avvali az parke jangali Yosemite dar shomale califonia hasse. akse dovvom va sevvom dorovare daneshgahe Berkley hasse. 2 ta akse akhari ham male Bandpeye hasse ke agha Bahman gol baram rahi hakerde.







Sheme khenabedon,
Tika

وارشي

چن روزي هسسه كه بمومه دورور سان فرانسيسكو. روز اوول نتتونسسمه خنه پيدا هكنم و آفتاب كه مال بورده زنگ بزومه شه رفيقسسه كه اتتا بندپي خوب و بسيار موفق در دانشگاه بركلي هسسه وبرردمه ونه منزل.خدا وره خواره تن هده. سوايي بوردمه تپه هاي اطراف اتتا دور بزنم هوا خله خوار بيه مره ياد حاج علي آقاي قلتپپه دممدا. كلي هم گو و طلم بديمه. تا من بمومه پايين وارش ديته اونم چه وارشي و الان كه ساعت ده شب هسسه همتي روشنه. ياد شمال دكتمه.

آلاسكا-2

آلاسكا اتتا از ايالتهاي خله گت آمريكا هسسه كه 140 سال پيش از شوروي
بخريه. اين سه روز خله خش بوگذشته. مه شونس هوا هم خله خوار بيه. سوايي آفتاب پنج در انه و يازده شو مال شونه الان وتا يك ماه ديگه روز هلا درازتر بونه. اينجه چندتا عكس از اونجه المه. جمعيت خله كم هسسه و مردم خله مهربون و خوار هسسنه.

آلاسكا

فرداشو خامه براي سچار روز بورم آلاسكا. خدا امه عاقبت ر خير هكنه .اونجه الان همش روز هسسه ومن خوامه چتي باخسم خدا دوننه. سعي كمه اتتا خله عكس بيرم بلم اينجه كه شما هم تماشا هكنين.

ياد ازرو

اوول اوول بووم كه بخاطر امتحان و طملي اين چن وقتي ننويشتمه. پيروز مه امتحان كه هدا بييه و مره قبول هكردننه بوتمي كه اتتا كمه شه خده حال هدم. با چند تا از وچون بوردمي تفريح . ده نفر بيمي كه ويشتر اروپايي بيننه. براي كوهنوردي وبيرون از شهر بوردن با اروپاييا بيشتر خش گذرنه نسبت به آمريكائيا. ايندفه بوردمي كنار درياچه ايزابللا دويست و شصت كيلومتري لس انجلس كه اتتا چشمه اب گرم داينه. ياد ازرو دكتمه. ندوممه كه شما دونني كه ازرو كجه هسسه يانا.من دسسه بار ازرو بوردمه و همچنين گننو سر. ازرو در جاي خله قشنگي قرار داينه. ازرو او ابي هسسه. ازرو بين فيروزجائ سييار و خليل كلا آرئ واز شمال مشرف به جنگل هسسه. اگه شما عكسي از اونجه دارنني ممنون بومه كه مسسه رايي هكنين. چشمه اب گرم نزديك رودخنه بيه كه ونه او مسسه يخ بيه. خلاصه اينكه شمه جا حسابي خالي بيه. بعد از چشمه اب گرم فرداش راه دكتمي بوردمي جنگلهاي حفاظت شده دارهاي سكويا كه گننه باشون عمر خله زياد هسسه.

ساعت

از پيروز امه ساعت ر جلو بكشينه اينجه.بشنوسسمه كه احمدي نژاد نشته كه ساعت ر جلو بورن ايران دله. همه دنيا هر ور كه شونه اما وشونه برعكس شومي كه خله از موقها بظرر اما هم تمام بونه. خدا امه آخرو عاقبت ر خير هكنه.

جشن عيد دانشكده

امه رسمه كه نوسال ر با وچون همزبون جشن گيرمي. اينم عكس جشن امسال .

سيززه بدر

امروز سيززه بدر هسسه. امروز ايرانياي لس آنجلس هم شونه كه سيززه ره بدر هكنن. ويشتر شوننه پارك شهر ايرواين جم بونه . بقيه جاهاي شهر هم كه بورين وينني كه ايرانيا جم بينا چككه سما كننه وبا فاميل و دوستان گپ زننه و كبا ب خرننه. مه رفقون هم بوردننه ايرواين. من نشيمه و بخيال اينكه درس بخوننم كه فردا ونه گزارش تحويل هدم. دليل ديگه هم اينه كه دلم خوانه كه بورم شه مله و با فكوفاميل بورم سيززه بدر. مه دل همسسه تنگ بييه. امه مله همه بوردننه قلتپپه حتما الان. امه مله خله گت نيه و اصلا هم قابل مقايسه با لس آنجلس نيه :) . خلاصه اينكه شمه سيزه بدر به خيرو خوشي و شمه ياد نشوئه كه سبزه ره گره بزنين وه دممدين " متلون" دله. حتما فيروزجا هم خله شلو غ بونه براي سيززه بدر. شما همه جا خواهش كممه كه اونجه طبيعت ره حفظ هكنين. تا مه ياد نشيه شمه خور بووم كه به سايت اين دوست عزيز بندپيي بورين و كلي با عكسهاي قشنگي كه از طبيعت بندپي بيته حظ بورين.

سال نو

شمه نو سال مبارك بوشه .امسال شمسسه اتتا سال پر از تن درسسي و خشالي بوشه

كنسرت شجريان

ديشو بوردمه كنسرت شجريان. شمه جا خله خالي بيه. شجريان با ونه ريكا همايون دتايي خوننش خونسسنه و آقاي عليزاده تار زوه. تا مياد نشيه بووم كه آقاي كلهر هم كمانچه زوئه. كيپ تا كيپ آدم نيشت بيننه. از سچار ماه قبل به اينور بليط گير نموئه ديگه. اي كاش شجريان تونسسه بيه شمال و بندپي دله بخوننه. همايون تمبك هم خله خوار زوئه. ممولا شجريان هر سال اتتا دفه انه لس انجلس . من اوولين بار سه ساله پيش بيه كه بوردمه ون كنسرت.

چارشممه سوري

ديشو بوردمي چار شممه سوري. توي لس انجلس يه چند جايئ ر شهرداري اجازه دنه كه ايرانيا بورن تش سر بپپرن و چككه سما هكنن. من و چند تا از مدرسه وچون جم بيمي بوردمي نزديك فرودگاه لس انجلس , كنار ساحل كه تا امه سره ده دقيقه با ماشين راه هسسه. توي ايران هم كه شما ويشترازچار شممه سوري خور دارنني.

خانم مكررمه قنبري

خانم مكررمه قنبري
خدا ور بيامرزه. 24ام آذرماه فوت هكرده. نقاشيايش خله قشنگ هسسننه. اينتا وب سايت ره بزنين ويشتر ون جا اشنا بونني. ونه وبسايت به فارسي بنويشت هسسه. شركت فاكس فيلم مسسه اينكه ونه وچه جا قرارداد دوسسه كه خانم مكررمه قنبري فيلم ره درس هكنه. ونه خور به انگليسي توي اين سايت دره. خلاصه خور اينه كه " مريل استريپ " قرارداد دوسسه كه نقش وره بازي هكنه.تا مه ياد نشيه بووم كه و ماله روستاي دريكنده بابل هسسه.

لس انجلس

لس انجلس اتتا ار شهراي خله گت كا ليفرنيا هسسه. هوا هم هميشه بهاريه. شهري هسسه كه ونه دله سرعت زندگي خله بالا هسسه. صنعت سينماي آمريكا (هاليوود) توي لس انجلس قرار داينه .من توي پائين شهر لس انجلس جائي نزديك شه مدرسه كه خله جاي خوبي نيه زندكي كممه. معمولا ايرانيا جاهاي خله خوار شهر زندگي كننه و تقريبا وشون وز مالي هم خله خوار. ايرانياي اينجه يا تو كار اموزشي درننه يا املاك و مسكن. توي اين شهر ايرانيا خله قيافه گيرننه و كمتر از بنز يا ب ام دبليو سوار نوننه. توشون كللي آدماي خوب پيدا بونه.تقريبا هر هفته يه جنتتا كنسرت و برنامه فرهنگي اجرا بونه. پرا اينجه استاد شجريان كنسرت داينه. هفته قبل هم كنسرت آرش و سياوش قميشي بيه كه بدك نييه. شهرداري لس انجلس هر ساله به ايرانيا اجازه دنه كه يروز خيابونه وست وود ر( اتتا خله از ايرانيا اونجه ديكون و رستوران و ...دارننه) دوننن وفستيوال عيد بيرن.

سان فرانسيسكو

سان فرانسيسكو جاي باحالي هسسه. تابسسون اونجه ديمه. چند تا عكس ره بشتمه اينجه. دتا گته پل داينه كه اتتا قرمز هسسه ( پل دروازه طلائي) و اونتتاي ديگه ر گننه پل تنگه . سان فرانسيسكو در قسمت شمال كاليفرنيا قرار داينه و تا لس انجلس 350 مايل ( تقريبا 6 ساعت با ماشين) فاصله داينه