سال نو

شمه نو سال مبارك بوشه .امسال شمسسه اتتا سال پر از تن درسسي و خشالي بوشه

كنسرت شجريان

ديشو بوردمه كنسرت شجريان. شمه جا خله خالي بيه. شجريان با ونه ريكا همايون دتايي خوننش خونسسنه و آقاي عليزاده تار زوه. تا مياد نشيه بووم كه آقاي كلهر هم كمانچه زوئه. كيپ تا كيپ آدم نيشت بيننه. از سچار ماه قبل به اينور بليط گير نموئه ديگه. اي كاش شجريان تونسسه بيه شمال و بندپي دله بخوننه. همايون تمبك هم خله خوار زوئه. ممولا شجريان هر سال اتتا دفه انه لس انجلس . من اوولين بار سه ساله پيش بيه كه بوردمه ون كنسرت.

چارشممه سوري

ديشو بوردمي چار شممه سوري. توي لس انجلس يه چند جايئ ر شهرداري اجازه دنه كه ايرانيا بورن تش سر بپپرن و چككه سما هكنن. من و چند تا از مدرسه وچون جم بيمي بوردمي نزديك فرودگاه لس انجلس , كنار ساحل كه تا امه سره ده دقيقه با ماشين راه هسسه. توي ايران هم كه شما ويشترازچار شممه سوري خور دارنني.

خانم مكررمه قنبري

خانم مكررمه قنبري
خدا ور بيامرزه. 24ام آذرماه فوت هكرده. نقاشيايش خله قشنگ هسسننه. اينتا وب سايت ره بزنين ويشتر ون جا اشنا بونني. ونه وبسايت به فارسي بنويشت هسسه. شركت فاكس فيلم مسسه اينكه ونه وچه جا قرارداد دوسسه كه خانم مكررمه قنبري فيلم ره درس هكنه. ونه خور به انگليسي توي اين سايت دره. خلاصه خور اينه كه " مريل استريپ " قرارداد دوسسه كه نقش وره بازي هكنه.تا مه ياد نشيه بووم كه و ماله روستاي دريكنده بابل هسسه.

لس انجلس

لس انجلس اتتا ار شهراي خله گت كا ليفرنيا هسسه. هوا هم هميشه بهاريه. شهري هسسه كه ونه دله سرعت زندگي خله بالا هسسه. صنعت سينماي آمريكا (هاليوود) توي لس انجلس قرار داينه .من توي پائين شهر لس انجلس جائي نزديك شه مدرسه كه خله جاي خوبي نيه زندكي كممه. معمولا ايرانيا جاهاي خله خوار شهر زندگي كننه و تقريبا وشون وز مالي هم خله خوار. ايرانياي اينجه يا تو كار اموزشي درننه يا املاك و مسكن. توي اين شهر ايرانيا خله قيافه گيرننه و كمتر از بنز يا ب ام دبليو سوار نوننه. توشون كللي آدماي خوب پيدا بونه.تقريبا هر هفته يه جنتتا كنسرت و برنامه فرهنگي اجرا بونه. پرا اينجه استاد شجريان كنسرت داينه. هفته قبل هم كنسرت آرش و سياوش قميشي بيه كه بدك نييه. شهرداري لس انجلس هر ساله به ايرانيا اجازه دنه كه يروز خيابونه وست وود ر( اتتا خله از ايرانيا اونجه ديكون و رستوران و ...دارننه) دوننن وفستيوال عيد بيرن.

سان فرانسيسكو

سان فرانسيسكو جاي باحالي هسسه. تابسسون اونجه ديمه. چند تا عكس ره بشتمه اينجه. دتا گته پل داينه كه اتتا قرمز هسسه ( پل دروازه طلائي) و اونتتاي ديگه ر گننه پل تنگه . سان فرانسيسكو در قسمت شمال كاليفرنيا قرار داينه و تا لس انجلس 350 مايل ( تقريبا 6 ساعت با ماشين) فاصله داينه

نوسال و مرغنه جنگي

نوسال دره انه وندوممه كه مرغنه جنگي رسم دكته يا نا. خدا هكنه كه هلا مردم اين رسمو رسوم ر از ياد نورن. من كه خله با مرغنه جنگي كيف كردمه. متاسسفانه زندگيه مدرن كه انه , همه چي ر پيسو كننه وينه, حتي چيزاي خوب و ساده فرهنگ محللي ر . اين فقط مشكل روستاييا نيه كه زندگي شهري وره فشار ائياينه بلكه رسمو رسوم خارجيا ههم زندگي شهري ر اثر النه. يه ادمه روستايه گاوداره آمريكاي شه چيزاي محللي ر حفظ كننه ( حداقل در جشنهاي محللي) و در عين حال اينترنت هم داينه و همچنين سروصداي هاليود ر هم ويننه. ولي توي خيلي از روستاهاي بندپي و بابل آدماي جوان شه وچون ر نلننه كه محلي ياد بيرن. داشتمه از مرغنه جنگي گتمه. مرغنه جنگي اينجوريه كه دتايي مرغنه ره جنگي ( بهمديگه ميزنين) كنني . هر كس مرغنه كه بشكسسه بازنده هسسه و شه مرغنه ر ونه هده برنده ر. ممولن تشني چينكاي مرغنه از همه كچيكتر و محكمتره. جنگي بزوئن هم مهارت خوانه كه اينجه جايه بحثش نيه الان.