اوول اوول بووم كه بخاطر امتحان و طملي اين چن وقتي ننويشتمه. پيروز مه امتحان كه هدا بييه و مره قبول هكردننه بوتمي كه اتتا كمه شه خده حال هدم. با چند تا از وچون بوردمي تفريح . ده نفر بيمي كه ويشتر اروپايي بيننه. براي كوهنوردي وبيرون از شهر بوردن با اروپاييا بيشتر خش گذرنه نسبت به آمريكائيا. ايندفه بوردمي كنار درياچه ايزابللا دويست و شصت كيلومتري لس انجلس كه اتتا چشمه اب گرم داينه. ياد ازرو دكتمه. ندوممه كه شما دونني كه ازرو كجه هسسه يانا.من دسسه بار ازرو بوردمه و همچنين گننو سر. ازرو در جاي خله قشنگي قرار داينه. ازرو او ابي هسسه. ازرو بين فيروزجائ سييار و خليل كلا آرئ واز شمال مشرف به جنگل هسسه. اگه شما عكسي از اونجه دارنني ممنون بومه كه مسسه رايي هكنين. چشمه اب گرم نزديك رودخنه بيه كه ونه او مسسه يخ بيه. خلاصه اينكه شمه جا حسابي خالي بيه. بعد از چشمه اب گرم فرداش راه دكتمي بوردمي جنگلهاي حفاظت شده دارهاي سكويا كه گننه باشون عمر خله زياد هسسه.
5 comments:
با سلام بر خدمت تیکا جان
از ایکه دوباره با دست پر پیی هاکردنی و شه امتحانا ره موفق بینی خوشحال هسمی
و خوشحالتر از آن اینکه بعد از این همه سال وقتی چیزی ره در اونجه ویننی به یاد شه وطن و بندپی و اصالت اما پریجاییها کفنی دورود بر شما
مطلب ازرو خله عالی بیه
من فقط اتا ازرو عکس ره دارمه که در حاشیه مه وبلاگ هم دره در صورت تمایل شمه وسّر رایی هکنم
خدا شمه پشت و پناه
سلام
خشحال هسمه از ته موفیت جا
عرض هاکنم که هفته گذشته که اتا روز نم نم وراشی بیه و هوای بندپی اتی ورگ میایی بیه برای طراحی شبکه موبایل منطقه به اتفاق د تا وچون راهی فیروزجا و کوه کمر بیمی . از گلیا 4 5 کیلو نر گسفند گوشت بیتمی بوردمی تا افراکتی دل دیگه قرار نیته بخاری تش هاکردمی تیلن چایی جا اتا ... ته جا خالی بالاخره از جاده فیروزجا راهی کوه بیمی ولی اتا چی ره یاد بکردمی و آن دوربین فیلم برداری بیه ولی دروبین شکاری مقصر بیه. اول نقشه ر از روی
google earth
منطقه ر باردید هاکردمی . از شیخ موسی لهه شالیگچال دوزاغبن نیراسم نینو وووووو میدانک انون . یخچال پشت و گلیرون .وووو...
منظور برگشتنی برای رفع خستگی که ایجادههای دله اما دل کلیه وکه و همه جابجا بی بیه بوتمی بوریم ازرو چشمه .
برودیمه 2 ساعت آون وارش دله آب گرم دله هنیشتمی الان که 10 12 روز از اون روز گذرنه هنوز امه تن بو دنه. دشتها که این وارش دله داشتنه مرز کیتنه اما بدینه کتنه وشون مثل اینکه گج هسنه شاید راسی راسی درس بوتنه. ولی چشمه دور ره با بلوک دچینه اتا کمه جولتر بیه. حیف که عکس ندارمه
چن تا عکس از افراکتی ر ایجه بوین
http://pages.google.com/edit/farzalih/home?pli=1
من پریجائی هسمه ان شاالله هر جا دری موفق بویی
چی طائفه هسی عکس دایمه مخصوصا از کوه . چیجوری رایی هکنم زیاد کامپیوتر جا سر خشم نیمه بلد نیمه (ساکن گلیا)
Post a Comment